ENSHEIM Homepage


4.5 Mundartgedichte und -geschichten auf Ensemma Pladd


1. Nìggs wie Hùddel medde Kenn (Nichts als Ärger mit den Kindern)

Von Paul Glass

"Vater werden ist nicht schwer, Vater sein dagegen sehr!"

Sellicha Schbruch, der isch bekonnd
grad iwwerall beij uns im Lonnd.
Unn jeela wääß: der Schbruch triffd zuu:
Kenn lonnem Babbe als deck känn Ruh!

Als Beijschbiel will ich och mohl vazeele
vunn minnem Unggel sinnem Mähle.
Dassäll, dass war e fulli Muddich
unn in da Wisaasch aarich puddich.
's dudd nidd schbuure, die ald Truddel,
unn de Unggel schdeehnd: "Nää, nix wie Huddel!"

Unsa Nochbar, de Herr Zimmamonn,
der isch grad ussa Ronn unn Bonn.
Sinn Buub, der gedd nidd zumm Friseer
unn michd aa sunschd nidd grad viel häär.
'S isch hald e aarich großa Schmuddel,
unn de Babbe schdeehnd: "Nää, nix wie Huddel!"

Herr Ludwich ussemm Kettlavierdel
michd ab vunn sinna Bux de Gierdel.
Er hadd es jetzd vamässe satt,
dass sinn Buub viel se hard 's Radio hadd.
Er konn's nimmeh härre, dass Geduddel,
unn de Babbe schdeehnd: "Nää, nix wie Huddel!"

De Nochbar gedd memm Kennd schbaziere,
's isch kald druss - ma muß noch schiere!
'S Kennd kridd de Schnubbe unn muß niese,
dudd medda Gummschel noh vorre schieße.
Sinn gonnzes Jäckche isch voll vunn Schnuddel,
unn de Babbe schdeehnd: "Nää, nix wie Huddel!"

Zumm Schluß dudd de Babbe mich vawittsche,
wie ich omm Weija rummdunnrittsche.
Minn Monnschesdabux werd imma nassa
unn minn Babbe imma blassa.
Er krischd: "Härr jetze uff medd dämmm Gesuddel!"
Unn er schdeehnd:" Nää, nix wie Huddel!"


Literaturtip: Paul Glass: Ensemma Platt. Der Wortschatz der Ensheimer Mundart. 2 Bände. Ensheim 1975 und 1976 (= Ensheimer Wörterbuch, Bd. 1 und 2)
Zurück zum Anfang des Dokuments

Zurück zur Mundart-Auswahlseite

Zurück zur Gedicht-Auswahlseite

Zurück zum Inhaltsverzeichnis

Zum Kapitel: Aussprache und Grammatik der Ensheimer Mundart



eMail an den Webmaster

© Paul Glass 1997 - 2001 ff