Mundart-Sagen-Wanderung I am 19.10.2003
9.
De Große Schdiwwel
· De grooße
Schdiwwel isch uss unnaschiedliche Grind zimmlich inträsond: (1) wällem
„Schloss“; (2) wälleme große Trimmafäld vunn schdigga 350 in da Längched
unn schdigga 70 – 140 Määla in da Bräädched; (3) wällem Schdiwwel unnem
Riesedisch – eija – unn wäll da Schdiwwelhidd vumm Pälsawaldvarein, awwa
die isch noch nidd so ald. Doodezuu nohde noch meh... Krämasch Wolfgong uss
Dingmadd hadd gemännd, de Schdiwwel wär voor allem dässwää so indräsond, wäll’s
doo „Kuldurräschda uss unnaschiedliche Zidde“ gäb...
· De
Schdiwwel hadd schunn 1121 zu Ensemm gehärrd; sällichmool halla de Edelknächde
vunn Ensemm gehärrd... hadd also medd Dingmadd nie äbbes se duun gehaad!
· Uffem
Schdiwwel honn in da zwädd Hälleffd vumm 17. Jaahunnadd aa Lied gewohnd – wo
genau, wisse ma nidd, awwa wahrscheins in da Ruin vumm Schdiwwela
Schloss, vunn
dämm sällmools noch meh geschdonn hadd als wie häid: Peter Buchholz, e
Holzhaua, also änna däär wo im Wald geschaffd hadd unn medd sinna Famillich
uffem Schdiwwel e Ziddlong [1779-80] geunnadd hadd – änn Kennd, Maria
Katharina, isch sogaa uffem Schdiwwel uff die Wäld kumm! Sinn Bruula Jääb,
Jacob Buchholz, hadd zurr sälb Zidd aa doo owwe gewohnd unn sinn Minsch,
Schirras Honnche, hadd aa uff em Schdiwwel zwei Kenn gridd, e Peter unn e
Valentin.
Top | Sawa-Themenübersicht | Inhaltsverzeichnis | Startseite | Nächstes Sawa-Thema
© Paul Glass 1997 - 2003ff
Last
update: 20.10.2003