seit Februar 1997 online ...

Home / Die Ensheimer Geschichte im Überblick / Ausschnitte aus dem politisch-kulturellen und sozialen Leben in Ensheim / Das Brauchtum in Ensheim /

Ensheimer Brauchtum extra: Ein Lied über das Grumbìerbròòle

Iwwazwärch uffem Wiggaschbärch

Von Paul Glass (1997)

1.

Mier sinn mòòl Grumbierbròòle zu de dräi Kirschbääm nòò,

dräimòòl därfsche roole, de Korb hadd sich geboo

im Korb, doo war viel Käässchmeer, Häring unn aa Schnaps

unn faa unsa Oba die Correga Tabs.

Refrain:

Iwwazwärch uffem Wiggaschbärch, dass isch wunnascheen,

iwwazwärch uffem Wiggaschbärch, doo lommier uns gehen!

Iwwazwärch uffem Wiggaschbärch, dass isch wunnabar,

Iwwazwärch uffem Wiggaschbärch, dass isch awwa klar!

2.

De Babbe hadd es Flämmche dabba oongemach,

memm Quetscheboom vomm Luwwies, hei, dass war e Sach.

Kumm dudd’s so richdich bränne, schunn hugge ma drum rum,

känna meechd meh warde, doch kännem wärrd’s se dumm.

 Refrain:

Iwwazwärch uffem Wiggaschbärch, dass isch wunnascheen,

iwwazwärch uffem Wiggaschbärch, doo lommier uns gehen!

Iwwazwärch uffem Wiggaschbärch, dass isch wunnabar,

Iwwazwärch uffem Wiggaschbärch, dass isch awwa klar!

3.

De Babbe michd die Buddel uff unn helld e grooßa Schlugg,

die Momme huggd uffem Debbich wie e grooßi Glugg,

mier Kenn, mier hugge ummse rum, doch mier grinn nurre Tee,

"De Alkohol isch niggs fa och, doo dudds doo unne weh!"

Refrain:

Iwwazwärch uffem Wiggaschbärch, dass isch wunnascheen,

iwwazwärch uffem Wiggaschbärch, doo lommier uns gehen!

Iwwazwärch uffem Wiggaschbärch, dass isch wunnabar,

Iwwazwärch uffem Wiggaschbärch, dass isch awwa klar!

4.

De Babbe gruddeld in dämm Fier, er härrd gar nimmeh uff,

mier Kenn, mier grawwele uff die Bääm gons in die Schbidds enuff.

Die Momme riehrd die Käässchmeer rum unn wirzd e Ideeche noo,

de Unggel Fridds läid schunn im Sulwa, dass isch nidd geloo!

 Refrain:

Iwwazwärch uffem Wiggaschbärch, dass isch wunnascheen,

iwwazwärch uffem Wiggaschbärch, doo lommier uns gehen!

Iwwazwärch uffem Wiggaschbärch, dass isch wunnabar,

Iwwazwärch uffem Wiggaschbärch, dass isch awwa klar!

5.

De Babbe hadd jetz e gulli Gluud, er schärrd se ussenonna,

er musse jedds wiss wärre lonn, ma warde all meddnonna.

Donn leeda dabba Grumbiere ninn, schdigga hunnadd Schdigg,

die mussa e Schdurme schwiddse lonn unn schärrd die Gluud serigg.

 Refrain:

Iwwazwärch uffem Wiggaschbärch, dass isch wunnascheen,

iwwazwärch uffem Wiggaschbärch, doo lommier uns gehen!

Iwwazwärch uffem Wiggaschbärch, dass isch wunnabar,

Iwwazwärch uffem Wiggaschbärch, dass isch awwa klar!

6.

Die Grumbiere sinn jedds in da Gluud, ma sinn schunn all geschbonnd,

Die Momme wiggeld de Lyona inn, ‘s gedd jedds Honnd in Honnd.

De Babbe hadd jedds niggs se duun, er hadd jedds grad mohl fräi,

er huggd sich henna e Schlewwehegg, unn känn Klopabier debäi.

 Refrain:

Iwwazwärch uffem Wiggaschbärch, dass isch wunnascheen,

iwwazwärch uffem Wiggaschbärch, doo lommier uns gehen!

Iwwazwärch uffem Wiggaschbärch, dass isch wunnabar,

Iwwazwärch uffem Wiggaschbärch, dass isch awwa klar!

7.

Jetz isch's Zidd, die Gluud muß wägg, unn mier, mier luh all zuu,

de Babbe helld de grooße Grimmes, donn hadd die arm Seel Ruh.

Er helld die Flämmchesgrumbiere russ, änni noo da onna,

ma hugge all uffem Debbich rumm, änna schdubbd de onna.

 Refrain:

Iwwazwärch uffem Wiggaschbärch, dass isch wunnascheen,

iwwazwärch uffem Wiggaschbärch, doo lommier uns gehen!

Iwwazwärch uffem Wiggaschbärch, dass isch wunnabar,

Iwwazwärch uffem Wiggaschbärch, dass isch awwa klar!

8.

Olägg, olägg, wass sinn die scheen, die schmagge richdich gudd,

Babbe, dass hasche gudd gemach, dass dudd richdich gudd.

Gäbb ma mool die Käässchmeer riwwa unn die Ziwwelcha aa,

unn wännde noch e Schdigg Lyona häddschd, wäär alles wunnabar!

Refrain:

Iwwazwärch uffem Wiggaschbärch, dass isch wunnascheen,

iwwazwärch uffem Wiggaschbärch, doo lommier uns gehen!

Iwwazwärch uffem Wiggaschbärch, dass isch wunnabar,

Iwwazwärch uffem Wiggaschbärch, dass isch awwa klar!

9.

Zwischedurch e Häring ninn, niggs wärrd doo vagäss,

de Lyona isch schunn nimmeh doo, ma honne all gefräss.

Noch ään, zwei Grumbiere läije doo, doch die, die sinn schunn kald,

die Tonde Bawwädd isch grad nidd doo, die isch mool in de Wald.

Refrain:

Iwwazwärch uffem Wiggaschbärch, dass isch wunnascheen,

iwwazwärch uffem Wiggaschbärch, doo lommier uns gehen!

Iwwazwärch uffem Wiggaschbärch, dass isch wunnabar,

Iwwazwärch uffem Wiggaschbärch, dass isch awwa klar!

10.

Ma dunn jedds all uffem Debbich läije, ääwe vollgefräss,

jeela hebbd sich grad sinn Buch, olägg, wass honn ich gäss.

Ou, wass war dass gudd gewään, dass hadd so gudd geschmaggd,

Minschens zwelleff Grumbiere honnich häijd gepaggd!

Refrain:

Iwwazwärch uffem Wiggaschbärch, dass isch wunnascheen,

iwwazwärch uffem Wiggaschbärch, doo lommier uns gehen!

Iwwazwärch uffem Wiggaschbärch, dass isch wunnabar,

Iwwazwärch uffem Wiggaschbärch, dass isch awwa klar!

11.

Jetzt wärrd de Schnaps erumgereichd, mier Kenn, mier grinne nidd,

unsa Babbe isch geeichd, der dringgd fa die Momme medd.

De Unggel Fridds wärrd willa wach, er will aa e Gweddsch,

De Babbe männd:"Dass isch e Sach, wännd ne nur schunn häddsch."

Refrain:

Iwwazwärch uffem Wiggaschbärch, dass isch wunnascheen,

iwwazwärch uffem Wiggaschbärch, doo lommier uns gehen!

Iwwazwärch uffem Wiggaschbärch, dass isch wunnabar,

Iwwazwärch uffem Wiggaschbärch, dass isch awwa klar!

12.

Olägg, olägg, ‘s isch niggs meh doo, alles gäss unn aa gedrunk,

unn letschdarres, dass soon ich och, dass hadd ne all geschdungk.

De Oba Karl isch raaschich woor, wälla niggs meh hadd,

‘s Goodche Lina, dass war klooa unn de Unggel Fridds waa pladd.

Refrain:

Iwwazwärch uffem Wiggaschbärch, dass isch wunnascheen,

iwwazwärch uffem Wiggaschbärch, doo lommier uns gehen!

Iwwazwärch uffem Wiggaschbärch, dass isch wunnabar,

Iwwazwärch uffem Wiggaschbärch, dass isch awwa klar!

13.

Jetz wärrds schunn dunggel, ma misse hämm, dass gefelld uns nidd,

ma kinnd noch e Schdurme huggebliwwe, mier Kenn, mier sinn noch fidd.

Doch de Babbe muß jeddse brunnse gehn, er helld de Wieche russ,

gudd zee Minudde driwwageseichd, donn isch es Flämmche uss.

Refrain:

Iwwazwärch uffem Wiggaschbärch, dass isch wunnascheen,

iwwazwärch uffem Wiggaschbärch, doo lommier uns gehen!

Iwwazwärch uffem Wiggaschbärch, dass isch wunnabar,

Iwwazwärch uffem Wiggaschbärch, dass isch awwa klar!

Anmerkung: Dieses Lied ist noch immer nicht vertont. Die Soundprobe gibt nur einen laienhaften Singversuch und zugleich Melodie-Vorschlag des Autors wieder. Vielleicht kann ein begabter Komponist oder eine begabte Komponistin unter den Lesern / Leserinnen die Noten dazu schreiben und mir zur Veröffentlichung an dieser Stelle zur Verfügung stellen. ;-)