ENSHEIM Homepage 


Mundart-Sagen-Wanderung I am 19.10.2003


Die Stationen:

5.    Sengschd

·       Dass kleene Derfche isch zumm erschdmool 1197 innera Urkund erwähnd woor: doo hadds gehääschd, ’s Klooschda Wadgasse hadd e Allod in Singescheit. De Nomme kinnd uff die Brondroolung hienwiese, die wo ma sällmools degg gemach hadd, fa uss Wald Aggalond unn Fälda se mache.

·        Hunnadd Johr schbääla, 1294, hadd Wadgasse in Sengschd e Hof gehaad. Sällmools hadd Sengschd – wie a Reichebrunn unn de Klääne unn de Große Schdiwwel – schunn e gulla Schdurme zu Ensemm gehärrd – unn so isch’s donn geblieb bis 1936: schunn in de Zwonsicha Johre honn die Sengschda e Oondraach onn de Gemännerad in Ensemm geschdelld, ei, sie gähngde gäär zu Dingmadd gehärre, dass wär aa nidd sowidd, unn donn grääle se aa glich e Wassaläälung unn missde nimmeh ’s Wassa ussem Sengschda Brunne schebbe... Awwa die Ensemma honn die Sengschda sällmools nidd glich gehn gelass; erschd wie die Nazis onn da Rechierung waare, hadd de Gemääneraad beschloss: Ei, gudd, ab em 1.1.37 sinna bäi Dingmadd – joo, unn so isch’s joo häid aa noch!

·        Iwwerichens: Vunn de Kirch häär gesiehn, waare die Sengschda schunn im 12. Johrhunnadd wahrscheins e Filljaal vunn Dingmadd, awwa in den Ensemma Kirchebiecha sinn droddsdääm aa mänschdens die Sengschda eninngeschrieb woor...


  Top | Sawa-Themenübersicht | Inhaltsverzeichnis | Startseite | Nächstes Sawa-Thema


© Paul Glass 1997 - 2003ff

Last update: 11.02.2006